meri chah mein mere ishq mein tu kabhi kisi se laDa nahin

mirī chaah meñ mire ishq meñ tū kabhī kisī se laḌā nahīñ

isī bhuul kā ye azaab hai tū mirā nahīñ maiñ tirā nahīñ

thā gulāb maiñ thī ye aarzū tire gesuoñ meñ khilūñ kabhī

nahīñ khil sakā to ye jaan le ye tirī hai merī ḳhatā nahīñ

tirī yaad mujh se bahut laḌī mire añg añg meñ zaḳhm hai

maiñ taḌaptā rahtā huuñ dard se tujhe fikr merī zarā nahīñ

mirā dil to tere hī paas hai tū ise khañgāl ke dekh le

vahāñ tū hī tū hai har ik taraf vahāñ kuchh bhī tere sivā nahīñ

tire ishq se mujhe kyā milā mirī zindagī huī maut sī

mujhe ab talāsh sukūñ kī hai mujhe ab junūn-e-hinā nahīñ

mujhe aisī zaat se ishq hai jo ho mehrbān to maut kab

hai fanā.iyat meñ nihāñ baqā hai baqā agar to fanā nahīñ

meri chah mein mere ishq mein tu kabhi kisi se laDa nahin

isi bhul ka ye azab hai tu mera nahin main tera nahin

tha gulab main thi ye aarzu tere gesuon mein khilun kabhi

nahin khil saka to ye jaan le ye teri hai meri KHata nahin

teri yaad mujh se bahut laDi mere ang ang mein zaKHm hai

main taDapta rahta hun dard se tujhe fikr meri zara nahin

mera dil to tere hi pas hai tu ise khangal ke dekh le

wahan tu hi tu hai har ek taraf wahan kuchh bhi tere siwa nahin

tere ishq se mujhe kya mila meri zindagi hui maut si

mujhe ab talash sukun ki hai mujhe ab junun-e-hina nahin

mujhe aisi zat se ishq hai jo ho mehrban to maut kab

hai fanaiyat mein nihan baqa hai baqa agar to fana nahin