meri chiKHon se kamra bhar gaya tha
mirī chīḳhoñ se kamra bhar gayā thā
koī kal raat mujh meñ mar gayā thā
bahut mushkil hai us kā lauT aanā
vo puurī baat kab sun kar gayā thā
mujhe pahchāntā bhī hai koī ab
maiñ bas ye dekhne hī ghar gayā thā
zamāna jis ko dariyā kah rahā hai
hamārī aañkh se bah kar gayā thā
ka.ī sadiyoñ se sūkhā paḌ rahā hai
yahāñ ik shaḳhs pyāsā mar gayā thā
hamārā bojh thā sar par hamāre
tumhāre saath to naukar gayā thā
ye mat samjhā ḳhatā kis se huī thī
batā ilzām kis ke sar gayā thā
meri chiKHon se kamra bhar gaya tha
koi kal raat mujh mein mar gaya tha
bahut mushkil hai us ka lauT aana
wo puri baat kab sun kar gaya tha
mujhe pahchanta bhi hai koi ab
main bas ye dekhne hi ghar gaya tha
zamana jis ko dariya kah raha hai
hamari aankh se bah kar gaya tha
kai sadiyon se sukha paD raha hai
yahan ek shaKHs pyasa mar gaya tha
hamara bojh tha sar par hamare
tumhaare sath to naukar gaya tha
ye mat samjha KHata kis se hui thi
bata ilzam kis ke sar gaya tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
