meri diwangi ko apni zulfon mein chhupa baiThe

mirī dīvāngī ko apnī zulfoñ meñ chhupā baiThe

tamāshā dekhne vaale tamāshā kyoñ dikhā baiThe

ba-juz in chaar ashkoñ ke hamāre paas thā hī kyā

usī daulat ke mālik the usī ko ham luTā baiThe

mirī jānib se pahle hī bhare baiThe the ġhusse meñ

tumhāre haath kyā aaya lagī meñ kyoñ lagā baiThe

ab us kā jaisā jī chāhe bhalā maane burā maane

hue majbūr is dil se to ham bhī dar pe aa baiThe

koī vāqif na thā 'ejāz' is dil ke ta'alluq se

haqīqat khul ga.ī āḳhir jo vo parde meñ jā baiThe

ajab aalam thā ai 'ejāz' rindoñ kī masarrat kā

mire hāthoñ meñ jaam aaya to mai-ḳhāna luTā baiThe

meri diwangi ko apni zulfon mein chhupa baiThe

tamasha dekhne wale tamasha kyon dikha baiThe

ba-juz in chaar ashkon ke hamare pas tha hi kya

usi daulat ke malik the usi ko hum luTa baiThe

meri jaanib se pahle hi bhare baiThe the ghusse mein

tumhaare hath kya aaya lagi mein kyon laga baiThe

ab us ka jaisa ji chahe bhala mane bura mane

hue majbur is dil se to hum bhi dar pe aa baiThe

koi waqif na tha 'ejaz' is dil ke ta'alluq se

haqiqat khul gai aaKHir jo wo parde mein ja baiThe

ajab aalam tha ai 'ejaz' rindon ki masarrat ka

mere hathon mein jam aaya to mai-KHana luTa baiThe