meri KHamoshi ko bhi ek sada samajhte rahe
mirī ḳhamoshī ko bhī ik sadā samajhte rahe
maiñ kyā thā aur mujhe log kyā samajhte rahe
hamārī nasl ko ujlat ne nā-murād kiyā
zarā se shor ko ye der-pā samajhte rahe
ye dost mere mujhe aaj tak na jaan sake
maiñ ek dard thā lekin davā samajhte rahe
dikhā.ī detā thā ye shahr merī āñkhoñ se
yahāñ ke log mujhe aa.ina samajhte rahe
ḳhayāl-e-yār kī chādar thī ek ḳhvāb 'azīz'
ye aur baat use ham qabā samajhte rahe
meri KHamoshi ko bhi ek sada samajhte rahe
main kya tha aur mujhe log kya samajhte rahe
hamari nasl ko ujlat ne na-murad kiya
zara se shor ko ye der-pa samajhte rahe
ye dost mere mujhe aaj tak na jaan sake
main ek dard tha lekin dawa samajhte rahe
dikhai deta tha ye shahr meri aankhon se
yahan ke log mujhe aaina samajhte rahe
KHayal-e-yar ki chadar thi ek KHwab 'aziz'
ye aur baat use hum qaba samajhte rahe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
