meri nazar se pare mujhse dur kuchh to hai

mirī nazar se pare mujh se duur kuchh to hai

ki ḳhat meñ aap ke bainassutūr kuchh to hai

maiñ apne ishq se māyūs kaise ho jā.ūñ

isī diye se mire dil meñ nuur kuchh to hai

maiñ apne aap se nazreñ churā rahā huuñ kyoñ

ki is meñ rāz-e-dil-e-nā-subūr kuchh to hai

tirā qasīda nahīñ paḌh rahī hai yuuñ duniyā

tire vajūd ke andar zarūr kuchh to hai

ye raaz aap kī āñkheñ bayān kartī haiñ

ki mujh se aap ko ranjish huzūr kuchh to hai

ḳhudā kī zaat se vāqif jo kar rahā hai mujhe

mirā shu.ūr hai yā lā-shu.ūr kuchh to hai

har ek shaḳhs se katrā rahā huuñ ai 'merāj'

ye zo'm hai ki anā yā ġhurūr kuchh to hai

meri nazar se pare mujh se dur kuchh to hai

ki KHat mein aap ke bainassutur kuchh to hai

main apne ishq se mayus kaise ho jaun

isi diye se mere dil mein nur kuchh to hai

main apne aap se nazren chura raha hun kyon

ki is mein raaz-e-dil-e-na-subur kuchh to hai

tera qasida nahin paDh rahi hai yun duniya

tere wajud ke andar zarur kuchh to hai

ye raaz aap ki aankhen bayan karti hain

ki mujh se aap ko ranjish huzur kuchh to hai

KHuda ki zat se waqif jo kar raha hai mujhe

mera shuur hai ya la-shuur kuchh to hai

har ek shaKHs se katra raha hun ai 'meraj'

ye zo'm hai ki ana ya ghurur kuchh to hai