meri samt lutf ki ek nazar nahin kar saka

mirī samt lutf kī ik nazar nahīñ kar sakā

koī mo.ajiza mirā jādūgar nahīñ kar sakā

mire ḳhāl-o-ḳhad na badal sakā tirā aa.ina

mujhe ḳhūb-rū koī naqsh-gar nahīñ kar sakā

mire sāmne mire sab sipāhī kaTe magar

maiñ qabīle vāloñ ko kuchh ḳhabar nahīñ kar sakā

mujhe manziloñ kī talāsh thī so maiñ chal paḌā

tirā intizār maiñ umr-bhar nahīñ kar sakā

tire qurb kā jo ḳhumār hai use maiñ to kyā

use aaj tak koī muḳhtasar nahīñ kar sakā

mirī umr-bhar kī riyāzateñ huiiñ rā.egāñ

mujhe āshkār tū vaqt par nahīñ kar sakā

koī falsafī nahīñ boltā tire sāmne

tirā sāmnā koī nāmvar nahīñ kar sakā

mujhe ḳhāmushī kī atā huiiñ ka.ī ne.amateñ

isī vāste bhī maiñ shor shar nahīñ kar sakā

mire paaoñ bāñdhe haiñ silsila-e-ḳhayāl ne

tirī samt jān-e-suḳhan safar nahīñ kar sakā

maiñ adū se koī gila karūñ bhī to kis liye

ki maiñ dostoñ ke bhī dil meñ ghar nahīñ kar sakā

meri samt lutf ki ek nazar nahin kar saka

koi moajiza mera jadugar nahin kar saka

mere KHal-o-KHad na badal saka tera aaina

mujhe KHub-ru koi naqsh-gar nahin kar saka

mere samne mere sab sipahi kaTe magar

main qabile walon ko kuchh KHabar nahin kar saka

mujhe manzilon ki talash thi so main chal paDa

tera intizar main umr-bhar nahin kar saka

tere qurb ka jo KHumar hai use main to kya

use aaj tak koi muKHtasar nahin kar saka

meri umr-bhar ki riyazaten huin raegan

mujhe aashkar tu waqt par nahin kar saka

koi falsafi nahin bolta tere samne

tera samna koi namwar nahin kar saka

mujhe KHamushi ki ata huin kai neamaten

isi waste bhi main shor shar nahin kar saka

mere paon bandhe hain silsila-e-KHayal ne

teri samt jaan-e-suKHan safar nahin kar saka

main adu se koi gila karun bhi to kis liye

ki main doston ke bhi dil mein ghar nahin kar saka