meri shikast ka aaghaz kaamraniyon se

mirī shikast kā āġhāz kāmrāniyoñ se

maiñ jang jiitā muqaddar kī mehrbāniyoñ se

maiñ der tak yahīñ sāhil pe baiThā rahtā huuñ

mirā mukālima hotā hai niile pāniyoñ se

kabhī kabhī ye khañDar ḳhud mujhe batāte haiñ

ki merā koī ta'alluq hai in kahāniyoñ se

har ek din nayā mahshar uThā ke laatā huuñ

maiñ tang aa ke qayāmat kī in nishāniyoñ se

vahī ki jis kī virāsat kā da.avedār thā maiñ

jhagaḌ rahā huuñ usī saltanat ke bāniyoñ se

nazar-navāz bahāroñ kā giit sunte hī

daraḳht jhūmne lagte haiñ shādmāniyoñ se

chhupā ke rakkhūñ kahāñ tere iltifāt ko maiñ

bachūñ to kaise bachūñ itnī be-dhiyaniyoñ se

hilā ke rakh diyā maujoñ kī sar-kashī ne use

ulajhtā būḌhā samundar kahāñ javāniyoñ se

meri shikast ka aaghaz kaamraniyon se

main jang jita muqaddar ki mehrbaniyon se

main der tak yahin sahil pe baiTha rahta hun

mera mukalima hota hai nile paniyon se

kabhi kabhi ye khanDar KHud mujhe batate hain

ki mera koi ta'alluq hai in kahaniyon se

har ek din naya mahshar uTha ke lata hun

main tang aa ke qayamat ki in nishaniyon se

wahi ki jis ki wirasat ka dawedar tha main

jhagaD raha hun usi saltanat ke baniyon se

nazar-nawaz bahaaron ka git sunte hi

daraKHt jhumne lagte hain shadmaniyon se

chhupa ke rakkhun kahan tere iltifat ko main

bachun to kaise bachun itni be-dhiyaniyon se

hila ke rakh diya maujon ki sar-kashi ne use

ulajhta buDha samundar kahan jawaniyon se