meri zindagi ki tu zindagi so qarib se mera haal dekh

mirī zindagī kī tū zindagī so qarīb se mirā haal dekh

jo kabhī kisī se huā nahīñ vo kiyā hai maiñ ne kamāl dekh

ye mohabbateñ bhī na.ī nahīñ na vo hasrateñ hī javāñ rahīñ

hai umiid terī magar kahīñ so khile khile haiñ ye gaal dekh

tujhe go na merā ḳhayāl hai nahīñ mujh ko koī malāl hai

tire ishq meñ tirī chaah meñ maiñ banī huuñ kaisī misāl dekh

hai ajab maqām pe zindagī jo milā sahī na milā sahī

na kamāl meñ hai koī ḳhushī na sabab hai ġham kā zavāl dekh

mirā haal go hai ḳharāb abhī tū na fikr kar mire haal kī

ki ḳhizāñ meñ bū hai bahār kī mire haal meñ tū jamāl dekh

nahīñ an-kahī koī baat hai na sabab koī jo tū aa sake

tū magar kabhī kisī yaad se zarā jhāñk kar mirā haal dekh

meri zindagi ki tu zindagi so qarib se mera haal dekh

jo kabhi kisi se hua nahin wo kiya hai main ne kamal dekh

ye mohabbaten bhi nai nahin na wo hasraten hi jawan rahin

hai umid teri magar kahin so khile khile hain ye gal dekh

tujhe go na mera KHayal hai nahin mujh ko koi malal hai

tere ishq mein teri chah mein main bani hun kaisi misal dekh

hai ajab maqam pe zindagi jo mila sahi na mila sahi

na kamal mein hai koi KHushi na sabab hai gham ka zawal dekh

mera haal go hai KHarab abhi tu na fikr kar mere haal ki

ki KHizan mein bu hai bahaar ki mere haal mein tu jamal dekh

nahin an-kahi koi baat hai na sabab koi jo tu aa sake

tu magar kabhi kisi yaad se zara jhank kar mera haal dekh