misal apni baDi be-nazir rakhta hun

misāl apnī baḌī be-nazīr rakhtā huuñ

maiñ apne aap ko ḳhud kā asiir rakhtā huuñ

yuuñ apne aap ko logo haqīr rakhtā huuñ

ḳhudā gavāh ki raushan zamīr rakhtā huuñ

unheñ yaqīn hai merī kamāñ meñ rahte haiñ

achūk ilm ke tarkash meñ tiir rakhtā huuñ

maiñ zāhira meñ huuñ har chand muflis-o-nādār

dil-o-nigāh ko lekin asiir rakhtā huuñ

na jaane kaun sī manzil pe maut aa jaa.e

ḳhudā hī jaane kahāñ kā ḳhamīr rakhtā huuñ

dil-o-dimāġh se kartā huuñ faisle apne

maiñ apne azm ko 'mahmūd' miir rakhtā huuñ

misal apni baDi be-nazir rakhta hun

main apne aap ko KHud ka asir rakhta hun

yun apne aap ko logo haqir rakhta hun

KHuda gawah ki raushan zamir rakhta hun

unhen yaqin hai meri kaman mein rahte hain

achuk ilm ke tarkash mein tir rakhta hun

main zahira mein hun har chand muflis-o-nadar

dil-o-nigah ko lekin asir rakhta hun

na jaane kaun si manzil pe maut aa jae

KHuda hi jaane kahan ka KHamir rakhta hun

dil-o-dimagh se karta hun faisle apne

main apne azm ko 'mahmud' mir rakhta hun