misl-e-KHushbu har anjuman mein rahe

misl-e-ḳhushbū har anjuman meñ rahe

phuul kī tarah ham chaman meñ rahe

din nikalte hī roz ran meñ rahe

apne hī ghar meñ ham kafan meñ rahe

sāzishoñ se vo baaz aa.e nahīñ

ham usūloñ kī bas ghuTan meñ rahe

yaad kuchh to rahe tujhe ham bhī

tere māthe kī har shikan meñ rahe

rang-e-duniyā meñ kho ga.e tum to

ham usī saada pairahan meñ rahe

ho ga.e ham lahūluhān magar

hausle dil ke har thakan meñ rahe

ab kī tahzīb hī nirālī hai

shahd hoñToñ pe zahr man meñ rahe

kitne chālāk haiñ vo aur 'hakīm'

ham ki bebāk bhole-pan meñ rahe

misl-e-KHushbu har anjuman mein rahe

phul ki tarah hum chaman mein rahe

din nikalte hi roz ran mein rahe

apne hi ghar mein hum kafan mein rahe

sazishon se wo baz aae nahin

hum usulon ki bas ghuTan mein rahe

yaad kuchh to rahe tujhe hum bhi

tere mathe ki har shikan mein rahe

rang-e-duniya mein kho gae tum to

hum usi sada pairahan mein rahe

ho gae hum lahuluhan magar

hausle dil ke har thakan mein rahe

ab ki tahzib hi nirali hai

shahd honTon pe zahr man mein rahe

kitne chaalak hain wo aur 'hakim'

hum ki bebak bhole-pan mein rahe