miTa ke sare yaqin ke nishan rakh dega

miTā ke saare yaqīñ ke nishān rakh degā

badal ke vo yuuñ tumhārā jahān rakh degā

tum apnī baat nahīñ kah sakoge duniyā se

tumhāre muñh meñ vo apnī zabān rakh degā

vo noch legā tumhāre tamām bāl-o-par

uḌaan ke liye phir āsmān rakh degā

manār-o-gumbad-o-mehrāb toḌ degā vo

badal ke naqsha-e-hindostān rakh degā

guloñ ke husn ko rusvā karegā har-sū vo

milā ke ḳhaak meñ gulshan kī shaan rakh degā

sitamgaroñ ko navāzegā apnī rahmat se

phir un kā naam bhī vo mehrbān rakh degā

vo mere josh-e-safar par karegā shak 'merāj'

qadam-qadam pe mire imtihān rakh degā

miTa ke sare yaqin ke nishan rakh dega

badal ke wo yun tumhaara jahan rakh dega

tum apni baat nahin kah sakoge duniya se

tumhaare munh mein wo apni zaban rakh dega

wo noch lega tumhaare tamam baal-o-par

uDan ke liye phir aasman rakh dega

manar-o-gumbad-o-mehrab toD dega wo

badal ke naqsha-e-hindostan rakh dega

gulon ke husn ko ruswa karega har-su wo

mila ke KHak mein gulshan ki shan rakh dega

sitamgaron ko nawazega apni rahmat se

phir un ka nam bhi wo mehrban rakh dega

wo mere josh-e-safar par karega shak 'meraj'

qadam-qadam pe mere imtihan rakh dega