mizaj-e-husn mein kuchh barhami malum hoti hai

mizāj-e-husn meñ kuchh barhamī ma.alūm hotī hai

hijāb-e-nūr meñ bijlī chhupī ma.alūm hotī hai

yaqīnan phir koī taaza qayāmat aane vaalī hai

mire dard-e-mohabbat meñ kamī ma.alūm hotī hai

ġham-o-andoh-o-hasrat yās-o-hirmāñ dard-o-betābi

taḌap jaatā huuñ jab in meñ kamī ma.alūm hotī hai

tirī rahmat pe mujh ko naaz hai aur naaz bhī kaisā

gunāhoñ meñ bhī ik taqdīs sī ma.alūm hotī hai

guloñ kā rang phīkā hai fazā.eñ bhī haiñ afsurda

gulistāñ meñ kisī shai kī kamī ma.alūm hotī hai

kabhī tum ne mujhe dekhā thā apnī garm nazroñ se

abhī tak aag sī dil meñ lagī ma.alūm hotī hai

mizaj-e-husn mein kuchh barhami malum hoti hai

hijab-e-nur mein bijli chhupi malum hoti hai

yaqinan phir koi taza qayamat aane wali hai

mere dard-e-mohabbat mein kami malum hoti hai

gham-o-andoh-o-hasrat yas-o-hirman dard-o-betabi

taDap jata hun jab in mein kami malum hoti hai

teri rahmat pe mujh ko naz hai aur naz bhi kaisa

gunahon mein bhi ek taqdis si malum hoti hai

gulon ka rang phika hai fazaen bhi hain afsurda

gulistan mein kisi shai ki kami malum hoti hai

kabhi tum ne mujhe dekha tha apni garm nazron se

abhi tak aag si dil mein lagi malum hoti hai