moajiza kya koi ab dast-e-qalandar mein nahin

mo.ajiza kyā koī ab dast-e-qalandar meñ nahīñ

yā yahī hai ki shifā mere muqaddar meñ nahīñ

yā ki vāqif nahīñ maiñ lazzat-e-ātish se abhī

yā sharar hī koī shāyad kisī patthar meñ nahīñ

jis meñ rah jaa.eñ simaT kar tire dil ke aflāk

vahī parvāz abhī tak mire shahpar meñ nahīñ

jhuuT har raat dikhā.eñ vo to kyoñ sach mānūñ

raushnī mujh meñ nihāñ hai mah-o-aḳhtar meñ nahīñ

kisī kone meñ paḌā hogā vahīñ par 'āzād'

tum ne DhūñDā hai magar kūcha-e-dilbar meñ nahīñ

moajiza kya koi ab dast-e-qalandar mein nahin

ya yahi hai ki shifa mere muqaddar mein nahin

ya ki waqif nahin main lazzat-e-atish se abhi

ya sharar hi koi shayad kisi patthar mein nahin

jis mein rah jaen simaT kar tere dil ke aflak

wahi parwaz abhi tak mere shahpar mein nahin

jhuT har raat dikhaen wo to kyon sach manun

raushni mujh mein nihan hai mah-o-aKHtar mein nahin

kisi kone mein paDa hoga wahin par 'azad'

tum ne DhunDa hai magar kucha-e-dilbar mein nahin