moajiza yun machine se nikla

mo.ajiza yuuñ machine se niklā

tuur ik dūrbīn se niklā

us kabūtar ne uḌnā siikh liyā

vo parinda bhī diin se niklā

us ke pairoñ kā farsh banñe ko

ziina apnī zamīn se niklā

maiñ ne jis par ġhurūr-o-nāz kiyā

sho.ala us āstīn se niklā

haa.e ham ro diye sar-e-mahfil

apnā dushman kamīn se niklā

raat phailā chukī thī andhere

roz-e-raushan jabīn se niklā

ġhaur se dekhiye to har chehra

ek lafz-e-hasīn se niklā

kuchh masāla lagā kahānī ko

asl kirdār scene se niklā

anjuman se makān se dil se

ek bechāra tiin se niklā

moajiza yun machine se nikla

tur ek durbin se nikla

us kabutar ne uDna sikh liya

wo parinda bhi din se nikla

us ke pairon ka farsh banne ko

zina apni zamin se nikla

main ne jis par ghurur-o-naz kiya

shoala us aastin se nikla

hae hum ro diye sar-e-mahfil

apna dushman kamin se nikla

raat phaila chuki thi andhere

roz-e-raushan jabin se nikla

ghaur se dekhiye to har chehra

ek lafz-e-hasin se nikla

kuchh masala laga kahani ko

asl kirdar scene se nikla

anjuman se makan se dil se

ek bechaara tin se nikla