mohabbat aur kisi anjaan se uf

mohabbat aur kisī anjān se uf

ulajhnā aur dil-e-nādān se uf

achānak phone kyā aaya kisī kā

lagī haiñ dhaḌkaneñ sab kaan se uf

vo jis shiddat se mujh ko chāhtā hai

chalī jā.ūñ na apnī jaan se uf

maiñ us kī ḳhvāhishoñ ko kaise Tālūñ

vo dekhe hai baḌe armān se uf

maiñ us kī jaan huuñ jā.ūñ to kaise

vo jiitā hai mujhe jī jaan se uf

mohabbat jab se hai rūhoñ meñ utrī

mahakte haiñ badan lobān se uf

'kiran' is ishq meñ insāñ to insāñ

farishte bhī ga.e īmān se uf

mohabbat aur kisi anjaan se uf

ulajhna aur dil-e-nadan se uf

achanak phone kya aaya kisi ka

lagi hain dhaDkanen sab kan se uf

wo jis shiddat se mujh ko chahta hai

chali jaun na apni jaan se uf

main us ki KHwahishon ko kaise Talun

wo dekhe hai baDe arman se uf

main us ki jaan hun jaun to kaise

wo jita hai mujhe ji jaan se uf

mohabbat jab se hai ruhon mein utri

mahakte hain badan loban se uf

'kiran' is ishq mein insan to insan

farishte bhi gae iman se uf