mohabbat humne ki hai hum tumhein dil se dua denge

mohabbat ham ne kī hai ham tumheñ dil se duā deñge

magar in chāhatoñ kī aap jaane kyā sazā deñge

gile-shikve hamāre darmiyāñ jo haiñ miTā deñge

mileñge jab bhī ham ik-dūsre se muskurā deñge

hamāre chehre kī māyūsiyoñ ko ham se mat pūchho

kisī din aap ke hāthoñ meñ ham bhī aa.ina deñge

koī āvāz ūñchī kar ke bole kab gavāra hai

agarche narm lahja ho to ham bhī dil bichhā deñge

hamāre sabr kā tum imtihāñ mat lo to behtar hai

zabāñ kholī agar ham ne to hangāma uThā deñge

marīz-e-ishq huuñ maiñ thoḌā mushkil hai maraz merā

agar denā paḌegī aap mujh ko kyā davā deñge

diloñ kī baat ko dil meñ rakhoge to hī behtar hai

zabāñ par aa ga.ī to log nāhaq hī havā deñge

mohabbat ke hare paude lagāo 'anjanā' ab tum

jo un kī chhāñv meñ baiTheñge vo saare duā deñge

mohabbat hum ne ki hai hum tumhein dil se dua denge

magar in chahaton ki aap jaane kya saza denge

gile-shikwe hamare darmiyan jo hain miTa denge

milenge jab bhi hum ik-dusre se muskura denge

hamare chehre ki mayusiyon ko hum se mat puchho

kisi din aap ke hathon mein hum bhi aaina denge

koi aawaz unchi kar ke bole kab gawara hai

agarche narm lahja ho to hum bhi dil bichha denge

hamare sabr ka tum imtihan mat lo to behtar hai

zaban kholi agar hum ne to hangama uTha denge

mariz-e-ishq hun main thoDa mushkil hai maraz mera

agar dena paDegi aap mujh ko kya dawa denge

dilon ki baat ko dil mein rakhoge to hi behtar hai

zaban par aa gai to log nahaq hi hawa denge

mohabbat ke hare paude lagao 'anjana' ab tum

jo un ki chhanw mein baiThenge wo sare dua denge