mohabbat ka ise aazar bhi hai

mohabbat kā ise āzār bhī hai

mohabbat se ye dil bezār bhī hai

khaTaktī hai zamāne kī nazar meñ

mohabbat phuul to hai ḳhaar bhī hai

barahman se na kar ai shaiḳh nafrat

tirī tasbīh meñ zunnār bhī hai

murakkab hai ye insāñ ḳhair-o-shar se

bashar meñ nuur bhī hai naar bhī hai

vo dīvāne ko dīvāna na samjheñ

jo dīvāna hai vo hushiyār bhī hai

dil-e-insāñ meñ zulmat bhī hai maanā

magar ye markaz-e-anvār bhī hai

sune haiñ ham ne bhī ash.ār-e-'zākir'

fasāhat bhī hai aur me.aar bhī hai

mohabbat ka ise aazar bhi hai

mohabbat se ye dil bezar bhi hai

khaTakti hai zamane ki nazar mein

mohabbat phul to hai KHar bhi hai

barahman se na kar ai shaiKH nafrat

teri tasbih mein zunnar bhi hai

murakkab hai ye insan KHair-o-shar se

bashar mein nur bhi hai nar bhi hai

wo diwane ko diwana na samjhen

jo diwana hai wo hushiyar bhi hai

dil-e-insan mein zulmat bhi hai mana

magar ye markaz-e-anwar bhi hai

sune hain hum ne bhi ashaar-e-'zakir'

fasahat bhi hai aur mear bhi hai