mohabbat kashmakash mein rah gai sirr-e-nihan ban kar

mohabbat kashmakash meñ rah ga.ī sirr-e-nihāñ ban kar

mire dil kā yaqīñ ho kar tire dil kā gumāñ ban kar

kare shukr-e-mohabbat merā har rūyāñ zabāñ ban kar

agar tum biich meñ aa jaao shart-e-imtihāñ ban kar

ye kis kī raah par sar de rahe haiñ mohsin-e-ulfat

ajal ḳhidmat ko aa.ī hai hayāt-e-jāvedāñ ban kar

jhaTaktā jā.egā un ko zamāna apne dāman se

jo kuchh bhī rah ga.e pīchhe ġhubār-e-kārvāñ ban kar

zamāne kī havā kā ruḳh badal jaanā muqaddar hai

yahī tinke qafas hoñge bisāt-e-āshiyāñ ban kar

na ho jab Thokareñ khāne pe bhī ehsās-e-bedārī

na TūTeñ dil pe kyoñ nākāmiyāñ barq-e-tapāñ ban kar

nahīñ jab naqsh-e-avval kī tarah rañg-e-baqā tujh meñ

zarūrat kyā hai rahne kī nishāna le nishāñ ban kar

fazā pur-kaif ban kar chhā ga.ī ġhunchoñ kī ra.anā.ī

chaman meñ kaun aatā hai bahār be-ḳhizāñ ban kar

zamīñ kī tarah jab hāsil hai qudrat burdbārī kī

rahūñ ai 'jurm' kyoñ gardish meñ nāhaq āsmāñ ban kar

mohabbat kashmakash mein rah gai sirr-e-nihan ban kar

mere dil ka yaqin ho kar tere dil ka guman ban kar

kare shukr-e-mohabbat mera har ruyan zaban ban kar

agar tum bich mein aa jao shart-e-imtihan ban kar

ye kis ki rah par sar de rahe hain mohsin-e-ulfat

ajal KHidmat ko aai hai hayat-e-jawedan ban kar

jhaTakta jaega un ko zamana apne daman se

jo kuchh bhi rah gae pichhe ghubar-e-karwan ban kar

zamane ki hawa ka ruKH badal jaana muqaddar hai

yahi tinke qafas honge bisat-e-ashiyan ban kar

na ho jab Thokaren khane pe bhi ehsas-e-bedari

na TuTen dil pe kyon nakaamiyan barq-e-tapan ban kar

nahin jab naqsh-e-awwal ki tarah rang-e-baqa tujh mein

zarurat kya hai rahne ki nishana le nishan ban kar

faza pur-kaif ban kar chha gai ghunchon ki ranai

chaman mein kaun aata hai bahaar be-KHizan ban kar

zamin ki tarah jab hasil hai qudrat burdbari ki

rahun ai 'jurm' kyon gardish mein nahaq aasman ban kar