mohabbat ke safar ko har ghaDi dushwar karta tha

mohabbat ke safar ko har ghaḌī dushvār kartā thā

vo har ik rāste ko mere nā-hamvār kartā thā

ġhazal likh kar tirī dīvār par laTkā ke jab aatā

to saarī raat phir girya dar-o-dīvār kartā thā

mare ehsās ko chhalnī kiye detā thā har lamha

ye kār-e-ḳhair mere shahr kā aḳhbār kartā thā

jise tum chaah kar bhī paar hargiz kar nahīñ paa.e

meñ TūTī-phūTī kashtī se vo dariyā paar kartā thā

sunā hai ek zālim shahr meñ aisā bhī aayā thā

jo marne ke liye bachchoñ ko bhī tayyār kartā thā

sabaq paḌhtā bhī to kaise ki saarā din mire hamdam

meñ chupke chupke har ik pal tirā dīdār kartā thā

mare atrāf meñ shahnā.iyāñ sī bajne lagtī thiiñ

mohabbat kā kabhī 'farruḳh' vo jab iz.hār kartā thā

mohabbat ke safar ko har ghaDi dushwar karta tha

wo har ek raste ko mere na-hamwar karta tha

ghazal likh kar teri diwar par laTka ke jab aata

to sari raat phir girya dar-o-diwar karta tha

mare ehsas ko chhalni kiye deta tha har lamha

ye kar-e-KHair mere shahr ka aKHbar karta tha

jise tum chah kar bhi par hargiz kar nahin pae

mein TuTi-phuTi kashti se wo dariya par karta tha

suna hai ek zalim shahr mein aisa bhi aaya tha

jo marne ke liye bachchon ko bhi tayyar karta tha

sabaq paDhta bhi to kaise ki sara din mere hamdam

mein chupke chupke har ek pal tera didar karta tha

mare atraf mein shahnaiyan si bajne lagti thin

mohabbat ka kabhi 'farruKH' wo jab izhaar karta tha