mohabbat ki karishma-saziyan aawaz deti hain

mohabbat kī karishma-sāziyāñ āvāz detī haiñ

tirī yādoñ kī alhaḌ shoḳhiyāñ āvāz detī haiñ

musāfir lauTnā chāho to lamhoñ meñ palaT jaao

tumheñ sāhil pe Thahrī kashtiyāñ āvāz detī haiñ

zarā sī der meñ mausam badalne kā zamāna hai

havā ke bāzuoñ kī chūḌiyāñ āvāz detī haiñ

ḳhizāñ ke ḳhauf se sahme parindo lauT bhī aao

tumheñ phir lahlahātī Tahniyāñ āvāz detī haiñ

chale jaate haiñ ham apnā lahū īñdhan banāne ko

dhuāñ detī huī jab chimniyāñ āvāz detī haiñ

maiñ jab bhī shab ke dāman par koī sūraj ugātā huuñ

tirī sochoñ kī gahrī badliyāñ āvāz detī haiñ

zarā sī der ko kuchh shādmāñ lamhe atā kar do

zarā sunñā ġhamoñ kī talḳhiyāñ āvāz detī haiñ

'shafīq' ahbāb aksar yaad aate haiñ hameñ ab bhī

havā ke saath bajtī tāliyāñ āvāz detī haiñ

mohabbat ki karishma-saziyan aawaz deti hain

teri yaadon ki alhaD shoKHiyan aawaz deti hain

musafir lauTna chaho to lamhon mein palaT jao

tumhein sahil pe Thahri kashtiyan aawaz deti hain

zara si der mein mausam badalne ka zamana hai

hawa ke bazuon ki chuDiyan aawaz deti hain

KHizan ke KHauf se sahme parindo lauT bhi aao

tumhein phir lahlahati Tahniyan aawaz deti hain

chale jate hain hum apna lahu indhan banane ko

dhuan deti hui jab chimniyan aawaz deti hain

main jab bhi shab ke daman par koi suraj ugata hun

teri sochon ki gahri badliyan aawaz deti hain

zara si der ko kuchh shadman lamhe ata kar do

zara sunna ghamon ki talKHiyan aawaz deti hain

'shafiq' ahbab aksar yaad aate hain hamein ab bhi

hawa ke sath bajti taliyan aawaz deti hain