mohabbat ko na tolo mohabbat be-baha hai

mohabbat ko na tolo mohabbat be-bahā hai

mohabbat dil meñ gholo mohabbat to duā hai

bharī barsāt aa.e diloñ meñ phuul mahke

laboñ par ye duā thī laboñ par ye duā hai

ki yuuñ to zindagī ke hazāroñ mas.ale haiñ

faqat chāhat tumhārī hamārā mas.ala hai

zamīn-o-āsmāñ kā karam hāsil tumhīñ ho

muqaddar meñ hamāre to kaalā ratjagā hai

ye jism-o-jāñ kā rishta baḌā anmol hai naañ

so us kī qadr karnā hamārā mashġhala hai

'duā' ik umr se maiñ usī ko pūjtī huuñ

vo dil ke but-kade meñ vafā kā devtā hai

mohabbat ko na tolo mohabbat be-baha hai

mohabbat dil mein gholo mohabbat to dua hai

bhari barsat aae dilon mein phul mahke

labon par ye dua thi labon par ye dua hai

ki yun to zindagi ke hazaron masale hain

faqat chahat tumhaari hamara masala hai

zamin-o-asman ka karam hasil tumhin ho

muqaddar mein hamare to kala ratjaga hai

ye jism-o-jaan ka rishta baDa anmol hai nan

so us ki qadr karna hamara mashghala hai

'dua' ek umr se main usi ko pujti hun

wo dil ke but-kade mein wafa ka dewta hai