mohabbat mein agar bimar hota

mohabbat meñ agar bīmār hotā

hamārā bhī koī haqdār hotā

bhale ham kaam meñ masrūf rahte

kabhī hisse meñ to itvār hotā

mujhe bhī paḌh liyā hotā sabhī ne

mirā lahja agar aḳhbār hotā

mubārakbād dete ġhair bhī gar

kahānī meñ tirā kirdār hotā

ka.ī inkār aa.e scene meñ haiñ

dikhāve ko hī ik iqrār hotā

kitābat pe kitābat kar rahe ho

suḳhanvar kā alag me'yār hotā

milī hotī nigāhoñ se nigāheñ

gulābī sharm se ruḳhsār hotā

hunar shāmil hai is meñ bāġhbāñ kā

chaman yuuñ hī nahīñ gulzār hotā

sharāfat bas kitāboñ meñ bachī hai

adab kā bhī 'abhay' bāzār hotā

mohabbat mein agar bimar hota

hamara bhi koi haqdar hota

bhale hum kaam mein masruf rahte

kabhi hisse mein to itwar hota

mujhe bhi paDh liya hota sabhi ne

mera lahja agar aKHbar hota

mubarakbaad dete ghair bhi gar

kahani mein tera kirdar hota

kai inkar aae scene mein hain

dikhawe ko hi ek iqrar hota

kitabat pe kitabat kar rahe ho

suKHanwar ka alag me'yar hota

mili hoti nigahon se nigahen

gulabi sharm se ruKHsar hota

hunar shamil hai is mein baghban ka

chaman yun hi nahin gulzar hota

sharafat bas kitabon mein bachi hai

adab ka bhi 'abhay' bazar hota