mohabbat mujhse kahti thi zara hushyar daman se

mohabbat mujh se kahtī thī zarā hushyār dāman se

junūñ āvāz detā thā vo uljhe ḳhaar dāman se

mire ashk-e-musalsal rā.egāñ hone nahīñ detā

bahut nazdīk rahtā hai ḳhayāl-e-yār dāman se

sañbhal o rahrav-e-rāh-e-talab manzil na kho jaa.e

lipaTtā hai ġhubār-e-rāh nā-hamvār dāman se

jabīñ-sā.ī kahāñ kī kis kā sajda kuchh jo qaabū ho

chhupā kar baiTh jā.ūñ āstān-e-yār dāman se

havā dete rahe dānista dīvāna samajh kar vo

junūñ hotā rahā aksar mirā bedār dāman se

ubhartī jaatī hai dāman pe ashk-e-ḳhūñ kī rañgīnī

numāyāñ hotā jaatā hai nayā gulzār dāman se

use tūfāñ kahūñ yā jān-e-sāhil kyā kahūñ 'shāhid'

na ubhre jazb ho kar ashk-e-dariyā-bār dāman se

mohabbat mujh se kahti thi zara hushyar daman se

junun aawaz deta tha wo uljhe KHar daman se

mere ashk-e-musalsal raegan hone nahin deta

bahut nazdik rahta hai KHayal-e-yar daman se

sanbhal o rahraw-e-rah-e-talab manzil na kho jae

lipaTta hai ghubar-e-rah na-hamwar daman se

jabin-sai kahan ki kis ka sajda kuchh jo qabu ho

chhupa kar baiTh jaun aastan-e-yar daman se

hawa dete rahe danista diwana samajh kar wo

junun hota raha aksar mera bedar daman se

ubharti jati hai daman pe ashk-e-KHun ki rangini

numayan hota jata hai naya gulzar daman se

use tufan kahun ya jaan-e-sahil kya kahun 'shahid'

na ubhre jazb ho kar ashk-e-dariya-bar daman se