mohabbat se tu ne bulaya main aaya

mohabbat se tū ne bulāyā maiñ aayā

faqat ek lamha lagāyā maiñ aayā

tumhāre liye she'r taaza kahā aur

use zer-e-lab gungunāyā maiñ aayā

tirī diid kī dil meñ jaagī tamanna

masarrat se ruḳh tamtamāyā maiñ aayā

mohabbat bharā ḳhat milā thā tumhārā

use jab paḌhā muskurāyā maiñ aayā

badaltī huī rut kī rangīñ adā se

nayā valvala ek paayā maiñ aayā

bahāroñ ne chupke se kānoñ meñ aa kar

mohabbat kā naġhma sunāyā maiñ aayā

mirī be-qarārī kā 'ālam 'ajab thā

nahīñ chain bin tere paayā maiñ aayā

mohabbat se tu ne bulaya main aaya

faqat ek lamha lagaya main aaya

tumhaare liye she'r taza kaha aur

use zer-e-lab gungunaya main aaya

teri did ki dil mein jagi tamanna

masarrat se ruKH tamtamaya main aaya

mohabbat bhara KHat mila tha tumhaara

use jab paDha muskuraya main aaya

badalti hui rut ki rangin ada se

naya walwala ek paya main aaya

bahaaron ne chupke se kanon mein aa kar

mohabbat ka naghma sunaya main aaya

meri be-qarari ka 'alam 'ajab tha

nahin chain bin tere paya main aaya