mohabbaten jab hisab mangengi nafraton ka jawaz hoga

mohabbateñ jab hisāb māñgeñgī nafratoñ kā javāz hogā

vo jis safar meñ sa.ūbateñ hoñ vo ābgīna-navāz hogā

kuchh aisī mushkil sī aa paḌī hai ki chehra ā.īna ban gayā hai

mujhe ye dhaḌkā hai dil meñ rakkhā ayaañ vo muddat kā raaz hogā

tilism kahiye ki yā tamanna ragoñ meñ paara lahū banā hai

lahū jo Tapkegā ashk ban kar nazar se ulfat kā saaz hogā

ye manzaroñ meñ jo aa ga.e haiñ kisī ilāqe ke sabz taa.ir

ye hijratoñ kā hasīn mausam faroġh-e-gulshan ba-nāz hogā

akele-pan kī 'duā' ye shiddat hī maar Daale kahīñ na mujh ko

vo aa.egā to ye merā honā bhī us ke sarf-e-niyāz hogā

mohabbaten jab hisab mangengi nafraton ka jawaz hoga

wo jis safar mein saubaten hon wo aabgina-nawaz hoga

kuchh aisi mushkil si aa paDi hai ki chehra aaina ban gaya hai

mujhe ye dhaDka hai dil mein rakkha ayan wo muddat ka raaz hoga

tilism kahiye ki ya tamanna ragon mein para lahu bana hai

lahu jo Tapkega ashk ban kar nazar se ulfat ka saz hoga

ye manzaron mein jo aa gae hain kisi ilaqe ke sabz tair

ye hijraton ka hasin mausam farogh-e-gulshan ba-naz hoga

akele-pan ki 'dua' ye shiddat hi mar Dale kahin na mujh ko

wo aaega to ye mera hona bhi us ke sarf-e-niyaz hoga