mohabbaton ki wusaten KHayal us se puchhna

mohabbatoñ kī vus'ateñ ḳhayāl us se pūchhnā

phir us ke baa'd daf.atan zavāl us se pūchhnā

hañsānā us ko pahle tum mohabbatoñ ke zikr se

hañsī meñ ġham ko DhūñDhnā malāl us se pūchhnā

nazar bachā ke dekhnā vo kapkapāte hoñT tum

mirī ḳhudī pe jab koī savāl us se pūchhnā

vo kah rahī thī tum se to bichhaḌnā bhī muhāl hai

kiyā hai kis tarah se ye kamāl us se pūchhnā

diyā thā pichhle saal us ko ek tohfa pyaar se

vo ab bhī oḌhtī hai nā vo shawl us se pūchhnā

kabhī jo us ke shahr meñ uThā savāl husn par

zamāna us kī detā thā misāl us se pūchhnā

vo pahlā pahlā 'ishq thā use ḳhabar na ho sakī

huā hai jiinā kis tarah muhāl us se pūchhnā

thiiñ āñsuoñ kī bārisheñ bhī qahqahoñ ke darmiyāñ

vo hijr us se pūchhnā visāl us se pūchhnā

vo laakh Taal de magar vo laakh muskurā.e bhī

jo haal dil kā ho rahā vo haal us se pūchhnā

mohabbaton ki wus'aten KHayal us se puchhna

phir us ke ba'd dafatan zawal us se puchhna

hansana us ko pahle tum mohabbaton ke zikr se

hansi mein gham ko DhunDhna malal us se puchhna

nazar bacha ke dekhna wo kapkapate honT tum

meri KHudi pe jab koi sawal us se puchhna

wo kah rahi thi tum se to bichhaDna bhi muhaal hai

kiya hai kis tarah se ye kamal us se puchhna

diya tha pichhle sal us ko ek tohfa pyar se

wo ab bhi oDhti hai na wo shawl us se puchhna

kabhi jo us ke shahr mein uTha sawal husn par

zamana us ki deta tha misal us se puchhna

wo pahla pahla 'ishq tha use KHabar na ho saki

hua hai jina kis tarah muhaal us se puchhna

thin aansuon ki barishen bhi qahqahon ke darmiyan

wo hijr us se puchhna visal us se puchhna

wo lakh Tal de magar wo lakh muskurae bhi

jo haal dil ka ho raha wo haal us se puchhna