mohabbaton mein bhi thoDa adab zaruri tha

mohabbatoñ meñ bhī thoḌā adab zarūrī thā

phir us ke baa'd meñ jo kuchh thā sab zarūrī thā

maiñ kah rahī thī ki insāniyat zarūrī thī

vo kah rahā thā ki nām-o-nasab zarūrī thā

tamām 'umr rahā yuuñ to saayā ban ke magar

vo tab nahīñ thā mire paas jab zarūrī thā

maiñ varna dekh nahīñ paatī us ko jaate hue

diye bujhānā judā.ī kī shab zarūrī thā

hameñ bhī rog mohabbat kā lag gayā thā huzūr

hamārā honā bhī phir jāñ-ba-lab zarūrī thā

mujhe zarūrī thā vo shaḳhs aise hī 'sonam'

ki jaise duniyā meñ bandoñ ko rab zarūrī thā

mohabbaton mein bhi thoDa adab zaruri tha

phir us ke ba'd mein jo kuchh tha sab zaruri tha

main kah rahi thi ki insaniyat zaruri thi

wo kah raha tha ki nam-o-nasab zaruri tha

tamam 'umr raha yun to saya ban ke magar

wo tab nahin tha mere pas jab zaruri tha

main warna dekh nahin pati us ko jate hue

diye bujhana judai ki shab zaruri tha

hamein bhi rog mohabbat ka lag gaya tha huzur

hamara hona bhi phir jaan-ba-lab zaruri tha

mujhe zaruri tha wo shaKHs aise hi 'sonam'

ki jaise duniya mein bandon ko rab zaruri tha