mohabbaton mein hatheli pe le ke sar aae

mohabbatoñ meñ hathelī pe le ke sar aa.e

balā-kashān-e-junūñ kaise be-ḳhatar aa.e

talāsh vo kare ḳhushiyāñ ki shauq hai us kā

ġhamoñ ko le ke jiyūñ mujh ko ye hunar aa.e

maiñ jāgūñ ḳhvāb se to sāmne use dekhūñ

mire nasīb meñ aisī koī sahar aa.e

zalīl kar hī diyā us ne mere jazboñ ko

vo jis pe ham to sabhī kuchh nisār kar aa.e

ye jurm mujh se huā thā sazā bhī maiñ bhugtūñ

tamām ishq ke ilzām mere sar aa.e

ye kyā ki āñkhoñ kī rāhoñ se dil meñ aatā hai

kabhī saḌak se guzar kar hamāre ghar aa.e

mohabbaton mein hatheli pe le ke sar aae

bala-kashan-e-junun kaise be-KHatar aae

talash wo kare KHushiyan ki shauq hai us ka

ghamon ko le ke jiyun mujh ko ye hunar aae

main jagun KHwab se to samne use dekhun

mere nasib mein aisi koi sahar aae

zalil kar hi diya us ne mere jazbon ko

wo jis pe hum to sabhi kuchh nisar kar aae

ye jurm mujh se hua tha saza bhi main bhugtun

tamam ishq ke ilzam mere sar aae

ye kya ki aankhon ki rahon se dil mein aata hai

kabhi saDak se guzar kar hamare ghar aae