mohabbaton mein koi tumhaara ye haal kar de to kya karoge

mohabbatoñ meñ koī tumhārā ye haal kar de to kyā karoge

bulā ke ghar meñ vo nine-one-one ko kaal kar de to kyā karoge

green card us se le rahe ho magar natīja bhī yaad rakhnā

yahāñ kī kaalī tumhāre chehre ko laal kar de to kyā karoge

ye maiñ ne maanā tumhāre hāthoñ meñ sañg-e-marmar kī uñgliyāñ haiñ

koī hasīna jo kāñch kā dil uchhāl kar de to kyā karoge

jo tum paḌosan ko apnī biivī se chhup ke perfume de rahe ho

vo jūtiyoñ se ye peshkash lā-zavāl kar de to kyā karoge

zarīna jab se baḌī huī hai tum us kī zar-qurbatī na pūchho

uchhāl kar dene vaale sake nikāl kar de to kyā karoge

qalam se kātib ye likh rahā hai dalīl-e-sub.h-e-bahār ho tum

dalīl kī daal ko badal kar vo zaal kar de to kyā karoge

mushā.eron maiñ ulaT-palaT ke vo chaar ġhazleñ sunāne vaalo

agar koī pāñchvīñ ġhazal kā savāl kar de to kyā karoge

mohabbaton mein koi tumhaara ye haal kar de to kya karoge

bula ke ghar mein wo nine-one-one ko kal kar de to kya karoge

green card us se le rahe ho magar natija bhi yaad rakhna

yahan ki kali tumhaare chehre ko lal kar de to kya karoge

ye main ne mana tumhaare hathon mein sang-e-marmar ki ungliyan hain

koi hasina jo kanch ka dil uchhaal kar de to kya karoge

jo tum paDosan ko apni biwi se chhup ke perfume de rahe ho

wo jutiyon se ye peshkash la-zawal kar de to kya karoge

zarina jab se baDi hui hai tum us ki zar-qurbati na puchho

uchhaal kar dene wale sake nikal kar de to kya karoge

qalam se katib ye likh raha hai dalil-e-subh-e-bahaar ho tum

dalil ki dal ko badal kar wo zal kar de to kya karoge

mushaeron main ulaT-palaT ke wo chaar ghazlen sunane walo

agar koi panchwin ghazal ka sawal kar de to kya karoge