mohabbaton mein wafa ka hisab kya rakhna

mohabbatoñ meñ vafā kā hisāb kyā rakhnā

kisī kitāb meñ sūkhe gulāb kyā rakhnā

vo kam-suḳhan to nahīñ haiñ magar ye sochā hai

ki un se jaarī savāl-o-javāb kyā rakhnā

vo mere haal se achchhī tarah se vāqif haiñ

phir un ke sāmne dil kī kitāb kyā rakhnā

nahīñ hai daaġh koī gar hamāre dāman par

to phir ye fikr-e-‘azāb-o-savāb kyā rakhnā

palaT ke biite hue din kabhī nahīñ aate

gayā shabāb to yād-e-shabāb kyā rakhnā

hijāb ġhair se rakhnā samajh meñ aatā hai

nahīñ vo ġhair to un se hijāb kyā rakhnā

hamāre dil meñ to dariyā basā hai jehlam kā

nazar meñ apnī samundar ke baab kyā rakhnā

mohabbaton mein wafa ka hisab kya rakhna

kisi kitab mein sukhe gulab kya rakhna

wo kam-suKHan to nahin hain magar ye socha hai

ki un se jari sawal-o-jawab kya rakhna

wo mere haal se achchhi tarah se waqif hain

phir un ke samne dil ki kitab kya rakhna

nahin hai dagh koi gar hamare daman par

to phir ye fikr-e-‘azab-o-sawab kya rakhna

palaT ke bite hue din kabhi nahin aate

gaya shabab to yaad-e-shabab kya rakhna

hijab ghair se rakhna samajh mein aata hai

nahin wo ghair to un se hijab kya rakhna

hamare dil mein to dariya basa hai jehlam ka

nazar mein apni samundar ke bab kya rakhna