mol-tol karne walon se kya kahna

mol-tol karne vāloñ se kyā kahnā

dil motī par koī ḳhol nahīñ chaḌhtā

ek hī saudāgar manDī meñ haath aaya

vo bhī kabāḌī kartā raddī kā saudā

un par bhaa.ī bharosa karnā hī bekār

dhokā dene vaale dete haiñ dhokā

ham ne siip bhare dāman meñ lauT aa.e

siip the ḳhālī āḳhir ham ko kyā miltā

laakh pakaḌ kar un ke paañv baiTho tum

apnā rang na badleñge ham ne dekhā

ham pardes ga.e to shāyad bhuul ga.e

ham ne kiyā thā un se va.ada chhoTā sā

gahrī choT thī dil par khaa.ī mast hue

lekin vo kyūñkar karte haiñ vāvailā

pathrīlī dhartī par jiite marte haiñ

bāteñ karte rahte haiñ ḳhvāboñ kī sadā

jaisā hai jis haal meñ hai pā.inda rahe

marte marte us ne dī 'īraj' ko duā

mol-tol karne walon se kya kahna

dil moti par koi KHol nahin chaDhta

ek hi saudagar manDi mein hath aaya

wo bhi kabaDi karta raddi ka sauda

un par bhai bharosa karna hi bekar

dhoka dene wale dete hain dhoka

hum ne sip bhare daman mein lauT aae

sip the KHali aaKHir hum ko kya milta

lakh pakaD kar un ke panw baiTho tum

apna rang na badlenge hum ne dekha

hum pardes gae to shayad bhul gae

hum ne kiya tha un se wada chhoTa sa

gahri choT thi dil par khai mast hue

lekin wo kyunkar karte hain wawaila

pathrili dharti par jite marte hain

baaten karte rahte hain KHwabon ki sada

jaisa hai jis haal mein hai painda rahe

marte marte us ne di 'iraj' ko dua