muddaa koi apna na paya

mudda.ā koī apnā na paayā

jab duā ke liye haath uThāyā

us meñ apnā hī sab aks paayā

un ke chehre pe jo rang aaya

be-ḳhudī par mirī hañsne vaalo

lo sa.mbhālo mujhe hosh aaya

vo zamīñ sajda-gāh-e-vafā hai

paḌ gayā hai jahāñ apnā saayā

ham ne khāyā fareb-e-mohabbat

chain kho kar hameñ chain aaya

rāhzan hī vo niklā bil-āḳhir

rahnumā jis ko apnā banāyā

tū ne uqbā ko firdaus baḳhshī

ham ne duniyā ko jannat banāyā

yaad un kī baḌhā.ī shab-e-ġham

aag ko aag hī se bujhāyā

band āñkhoñ ke the sab karishme

aañkh kholī to kuchh bhī na paayā

vo bhī hairān ham bhī pareshāñ

ishq 'bāsit' kise raas aaya

muddaa koi apna na paya

jab dua ke liye hath uThaya

us mein apna hi sab aks paya

un ke chehre pe jo rang aaya

be-KHudi par meri hansne walo

lo sambhaalo mujhe hosh aaya

wo zamin sajda-gah-e-wafa hai

paD gaya hai jahan apna saya

hum ne khaya fareb-e-mohabbat

chain kho kar hamein chain aaya

rahzan hi wo nikla bil-aKHir

rahnuma jis ko apna banaya

tu ne uqba ko firdaus baKHshi

hum ne duniya ko jannat banaya

yaad un ki baDhai shab-e-gham

aag ko aag hi se bujhaya

band aankhon ke the sab karishme

aankh kholi to kuchh bhi na paya

wo bhi hairan hum bhi pareshan

ishq 'basit' kise ras aaya