muddat hui apni aankhon ko kyon ashk-fishani yaad aai

muddat huī apnī āñkhoñ ko kyoñ ashk-fishānī yaad aa.ī

kyā dil ne unheñ phir yaad kiyā phir bhūlī kahānī yaad aa.ī

barkhā kī barastī rātoñ meñ jab bhūlī kahānī yaad aa.ī

phir apnā fasāna yaad aaya phir terī javānī yaad aa.ī

kuchh sard sī aaheñ dāġh-e-jigar āñkhoñ kī namī aur dil kī ḳhalish

rah rah ke vo bichhḌe sājan kī har ek nishānī yaad aa.ī

gulshan kī fazā se jab guzrā ġhunchoñ kā chaTaknā bhī dekhā

hoñToñ kī hañsī āñkhoñ kī namī aur shaam suhānī yaad aa.ī

duniyā se bachā kar is dil ko niiñd aa ga.ī karvaT le le kar

'shāhīn' kahānī bhūlī huī ḳhvāboñ kī zabānī yaad aa.ī

muddat hui apni aankhon ko kyon ashk-fishani yaad aai

kya dil ne unhen phir yaad kiya phir bhuli kahani yaad aai

barkha ki barasti raaton mein jab bhuli kahani yaad aai

phir apna fasana yaad aaya phir teri jawani yaad aai

kuchh sard si aahen dagh-e-jigar aankhon ki nami aur dil ki KHalish

rah rah ke wo bichhDe sajan ki har ek nishani yaad aai

gulshan ki faza se jab guzra ghunchon ka chaTakna bhi dekha

honTon ki hansi aankhon ki nami aur sham suhani yaad aai

duniya se bacha kar is dil ko nind aa gai karwaT le le kar

'shahin' kahani bhuli hui KHwabon ki zabani yaad aai