muddat hui KHamoshi-e-izhaar-e-haal ko

muddat huī ḳhamoshī-e-iz.hār-e-hāl ko

āb-e-sadā hī dījiye dasht-e-ḳhayāl ko

phir ek shāḳh-e-zard girī ḳhaak ho ga.ī

phir barg-e-nau mile shajar-e-māh-o-māl ko

jhoñkā ye kis ke lams-e-gurezāñ kī tarah thā

ab hal hī karte rahiye havā ke savāl ko

ham-rañg-e-māhtāb thā vo is meñ kho gayā

ab kitnī duur pheñkiye nazroñ ke jaal ko

shab bhar havā ke rañg badalte rahe na.e

maiñ dekhtā rahā safar-e-bar-shaġhāl ko

jā.egā ḳhūn-e-shab na kisī taur rā.egāñ

muñh par malegī sub.h shafaq ke gulāl ko

jachte nahīñ nigāh meñ ḳhushiyoñ ke āftāb

dil DhūñDhtā hai kis ġham-e-zohra-e-jamāl ko

insāniyat ke dard kī āvāz ban sake

soz-e-navā se sīñchiye zaḳhm-e-ḳhayāl ko

diije phir āb-e-dīda-e-tar se hayāt-e-nau

fann-o-adab ke sabza-e-nau-pā.emāl ko

muddat hui KHamoshi-e-izhaar-e-haal ko

aab-e-sada hi dijiye dasht-e-KHayal ko

phir ek shaKH-e-zard giri KHak ho gai

phir barg-e-nau mile shajar-e-mah-o-mal ko

jhonka ye kis ke lams-e-gurezan ki tarah tha

ab hal hi karte rahiye hawa ke sawal ko

ham-rang-e-mahtab tha wo is mein kho gaya

ab kitni dur phenkiye nazron ke jal ko

shab bhar hawa ke rang badalte rahe nae

main dekhta raha safar-e-bar-shaghaal ko

jaega KHun-e-shab na kisi taur raegan

munh par malegi subh shafaq ke gulal ko

jachte nahin nigah mein KHushiyon ke aaftab

dil DhunDhta hai kis gham-e-zohra-e-jamal ko

insaniyat ke dard ki aawaz ban sake

soz-e-nawa se sinchiye zaKHm-e-KHayal ko

dije phir aab-e-dida-e-tar se hayat-e-nau

fann-o-adab ke sabza-e-nau-paemal ko