muddat hui na mujhse mera rabta hua

muddat huī na mujh se mirā rābta huā

ḳhud ko talāsh karte hue gum-shuda huā

sab rahnumā hai kaun kisī aur kī sune

manzil se duur yuuñ hī nahīñ qāfila huā

aise milā vo aaj mujhe ajnabī lagā

milnā bhī jaise us kā koī sāneha huā

lagtī hai ab fuzūl tire qurb kī duā

honā thā jab qarīb tabhī fāsla huā

maiñ ne to bas kahā thā use jāntā huuñ maiñ

phir shahr meñ ham hī pe baḌā tabsira huā

josh-e-junūñ meñ chupke se shah-rag hī kaaT lī

kahne ko ko log kahte rahe hādisa huā

ḳhāmosh do diloñ meñ kahīñ mel thā zarūr

varna thā kyā sabab ki judā rāsta huā

'zākir' ye zindagī kī haqīqat sarāb hai

jab āgahī milī to yahī tajraba huā

muddat hui na mujh se mera rabta hua

KHud ko talash karte hue gum-shuda hua

sab rahnuma hai kaun kisi aur ki sune

manzil se dur yun hi nahin qafila hua

aise mila wo aaj mujhe ajnabi laga

milna bhi jaise us ka koi saneha hua

lagti hai ab fuzul tere qurb ki dua

hona tha jab qarib tabhi fasla hua

main ne to bas kaha tha use jaanta hun main

phir shahr mein hum hi pe baDa tabsira hua

josh-e-junun mein chupke se shah-rag hi kaT li

kahne ko ko log kahte rahe hadisa hua

KHamosh do dilon mein kahin mel tha zarur

warna tha kya sabab ki juda rasta hua

'zakir' ye zindagi ki haqiqat sarab hai

jab aagahi mili to yahi tajraba hua