muddat se aadmi ka yahi masala raha
muddat se aadmī kā yahī mas.ala rahā
patthar daraḳht aadmī us kā ḳhudā rahā
daftar meñ filoñ se ulajhne ke saath saath
ik shaḳhs kār-e-ishq meñ bhī mubtalā rahā
pahle vo kār-e-ishq meñ uljhā rahā bahut
phir ḳhud meñ vo ḳhudā kā nishāñ DhūñDhtā rahā
jo kar nahīñ sakā na sunā us kā mājrā
jo kaam kar rahā thā batā us kā kyā rahā
lamhoñ kī suuī thak ke bahut sust ho ga.ī
khiḌkī se baar baar koī jhāñktā rahā
bistar pe apne aa ke mohabbat ko soch kar
pañkhe ke paar chhat ko yūñhī dekhtā rahā
muddat se aadmi ka yahi masala raha
patthar daraKHt aadmi us ka KHuda raha
daftar mein filon se ulajhne ke sath sath
ek shaKHs kar-e-ishq mein bhi mubtala raha
pahle wo kar-e-ishq mein uljha raha bahut
phir KHud mein wo KHuda ka nishan DhunDhta raha
jo kar nahin saka na suna us ka majra
jo kaam kar raha tha bata us ka kya raha
lamhon ki sui thak ke bahut sust ho gai
khiDki se bar bar koi jhankta raha
bistar pe apne aa ke mohabbat ko soch kar
pankhe ke par chhat ko yunhi dekhta raha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
