muflisi ne sar pe ek sada zarurat oDh li

muflisī ne sar pe ik saada zarūrat oḌh lī

naqd-e-hurmat bech kar badle meñ ġhurbat oḌh lī

ik tilism-andāz ā.īn-e-havā kī vaz.a par

chehra-e-nauras ne sat partoñ kī rañgat oḌh lī

shīsha-e-mastī meñ dānā.ī kā Tāñkā joḌ luuñ

nau-gudāz-e-dil ne bah jaane kī hasrat oḌh lī

talḳhī-e-āvāz se sab ne liyā kār-e-sipāh

aql ke dībācha-kāroñ ne siyāsat oḌh lī

pesh-manzar meñ thā mere apne hone kā savāl

kāñptī ik be-javāzī chup ne luknat oḌh lī

der tak aks-āfrīnī ke diye jalte rahe

phir nihāl-e-shab ne be-hangām ġhaflat oḌh lī

ye jo kū-e-zīst ke chand iḳhtitāmī log haiñ

kyā huā 'dā.em' adam kī sab ne tohmat oḌh lī

muflisi ne sar pe ek sada zarurat oDh li

naqd-e-hurmat bech kar badle mein ghurbat oDh li

ek tilism-andaz aain-e-hawa ki waza par

chehra-e-nauras ne sat parton ki rangat oDh li

shisha-e-masti mein danai ka Tanka joD lun

nau-gudaz-e-dil ne bah jaane ki hasrat oDh li

talKHi-e-awaz se sab ne liya kar-e-sipah

aql ke dibacha-karon ne siyasat oDh li

pesh-manzar mein tha mere apne hone ka sawal

kanpti ek be-jawazi chup ne luknat oDh li

der tak aks-afrini ke diye jalte rahe

phir nihaal-e-shab ne be-hangam ghaflat oDh li

ye jo ku-e-zist ke chand iKHtitami log hain

kya hua 'daem' adam ki sab ne tohmat oDh li