muflison par jab kabhi aaya shabab

muflisoñ par jab kabhī aayā shabāb

ghaḌ liye duniyā ne qisse be-hisāb

kaun jaane un kī kyā ta.abīr ho

ham ne āñkhoñ meñ sajā.e haiñ jo ḳhvāb

laḌkhaḌā jaa.eñ na kyoñ ham be-piye

un kī āñkhoñ se chhalaktī hai sharāb

haa.e ham us kā muqaddar kyā kaheñ

ek dil hai aur ġham haiñ be-hisāb

lazzat-e-shīrīnī-e-hastī kahāñ

talḳhiyoñ meñ kaT gayā daur-e-shabāb

rāhbar ne har qadam dhokā diyā

maiñ ye samjhā merī qismat hai ḳharāb

darham-o-barham hai nazm-e-zindagī

ai ġham-e-daurāñ tirā ḳhāna-ḳharāb

hosh kar ai shoḳh ab bhī vaqt hai

tujh ko le Dūbeñge ye jannat ke ḳhvāb

ham se duniyā ne chhupā.e the jo raaz

ḳhud-ba-ḳhud hone lage vo be-naqāb

zindagī bhar hazrat-e-'āsī' rahe

rahguzār-e-shauq maiñ nā-kāmyāb

muflison par jab kabhi aaya shabab

ghaD liye duniya ne qisse be-hisab

kaun jaane un ki kya tabir ho

hum ne aankhon mein sajae hain jo KHwab

laDkhaDa jaen na kyon hum be-piye

un ki aankhon se chhalakti hai sharab

hae hum us ka muqaddar kya kahen

ek dil hai aur gham hain be-hisab

lazzat-e-shirini-e-hasti kahan

talKHiyon mein kaT gaya daur-e-shabab

rahbar ne har qadam dhoka diya

main ye samjha meri qismat hai KHarab

darham-o-barham hai nazm-e-zindagi

ai gham-e-dauran tera KHana-KHarab

hosh kar ai shoKH ab bhi waqt hai

tujh ko le Dubenge ye jannat ke KHwab

hum se duniya ne chhupae the jo raaz

KHud-ba-KHud hone lage wo be-naqab

zindagi bhar hazrat-e-'asi' rahe

rahguzar-e-shauq main na-kaamyab