mujh aise andhe pe kis nazar ne asar kiya hai

mujh aise andhe pe kis nazar ne asar kiyā hai

ki ek nā-bīnā shaḳhs ko bā-basar kiyā hai

maiñ us se milne nikal paḌā thā chahār jānib

zamīn kyā āsmāñ kī jānib safar kiyā hai

hameñ bahāroñ ke sabz patte na raas aa.e

kisī kī chāhat ke mausamoñ ko basar kiyā hai

udaas lamhoñ meñ chain kā ye sabab banegī

sameT kar terī ḳhāmushī ko amar kiyā hai

use bhulāne meñ har kisī se hī dilbarī kī

ye ḳhair kā kaam thā to mushkil magar kiyā hai

kise huā hai nasīb duniyā meñ vasl 'jāmī'

koī batāo ye ma.arka jis ne sar kiyā hai

mujh aise andhe pe kis nazar ne asar kiya hai

ki ek na-bina shaKHs ko ba-basar kiya hai

main us se milne nikal paDa tha chahaar jaanib

zamin kya aasman ki jaanib safar kiya hai

hamein bahaaron ke sabz patte na ras aae

kisi ki chahat ke mausamon ko basar kiya hai

udas lamhon mein chain ka ye sabab banegi

sameT kar teri KHamushi ko amar kiya hai

use bhulane mein har kisi se hi dilbari ki

ye KHair ka kaam tha to mushkil magar kiya hai

kise hua hai nasib duniya mein wasl 'jami'

koi batao ye marka jis ne sar kiya hai