mujhko bhi barq-e-husn kisi din dikha ke dekh

mujh ko bhī barq-e-husn kisī din dikhā ke dekh

merā bhī zarf-e-ishq zarā aazmā ke dekh

har manzil-e-alam meñ yuuñ hī muskurā ke dekh

har mushkil-e-hayāt ko āsāñ banā ke dekh

dīvāngī-e-zauq-e-talab ko baḌhā ke dekh

hadd-e-ta.a.yyunāt se dāman bachā ke dekh

dekh un ko aur apnī nazar se bachā ke dekh

dīvāngī ke hosh pe parde girā ke dekh

sāhil kī rāhateñ to tujhe raas aa chukīñ

tūfāñ kī samt apnā safīna baḌhā ke dekh

tujh ko agar sukūñ kī tamanna hai ziist meñ

har ek ġham ko siine se apne lagā ke dekh

manzil pukārtī hai tajassus kī raah meñ

do ik qadam tū aur bhī aage baḌhā ke dekh

tanqīd-e-mai-kashī kā agar shauq hai to phir

vaa.iz kabhī 'vakīl' kī mahfil meñ aa ke dekh

mujh ko bhi barq-e-husn kisi din dikha ke dekh

mera bhi zarf-e-ishq zara aazma ke dekh

har manzil-e-alam mein yun hi muskura ke dekh

har mushkil-e-hayat ko aasan bana ke dekh

diwangi-e-zauq-e-talab ko baDha ke dekh

hadd-e-tayyunat se daman bacha ke dekh

dekh un ko aur apni nazar se bacha ke dekh

diwangi ke hosh pe parde gira ke dekh

sahil ki rahaten to tujhe ras aa chukin

tufan ki samt apna safina baDha ke dekh

tujh ko agar sukun ki tamanna hai zist mein

har ek gham ko sine se apne laga ke dekh

manzil pukarti hai tajassus ki rah mein

do ek qadam tu aur bhi aage baDha ke dekh

tanqid-e-mai-kashi ka agar shauq hai to phir

waiz kabhi 'wakil' ki mahfil mein aa ke dekh