mujhko darkar nahin aaj ya kal ki lazzat

mujh ko darkār nahīñ aaj yā kal kī lazzat

aisā phal chāhiye ho jis meñ azal kī lazzat

narm hāthoñ se mujhe chhū ke guzartī huī vo

haa.e hotī huī mahsūs ye halkī lazzat

haath aa.ī hai ka.ī baar tirī shāḳh-e-badan

maiñ ka.ī baar chakhā huuñ tire phal kī lazzat

ho ga.ī ḳhatm magar daad na denā chhoḌo

abhī mahsūs kiye jaao ġhazal kī lazzat

sab nahīñ kahte haiñ is bahr meñ ġhazleñ sāhib

sab nahīñ jānte haiñ bahr-e-ramal kī lazzat

kyā zarūrat hai vo tā-'umr mayassar ho 'doraib'

bhuul pā.ūñgā nahīñ ek hī pal kī lazzat

mujh ko darkar nahin aaj ya kal ki lazzat

aisa phal chahiye ho jis mein azal ki lazzat

narm hathon se mujhe chhu ke guzarti hui wo

hae hoti hui mahsus ye halki lazzat

hath aai hai kai bar teri shaKH-e-badan

main kai bar chakha hun tere phal ki lazzat

ho gai KHatm magar dad na dena chhoDo

abhi mahsus kiye jao ghazal ki lazzat

sab nahin kahte hain is bahr mein ghazlen sahib

sab nahin jaante hain bahr-e-ramal ki lazzat

kya zarurat hai wo ta-'umr mayassar ho 'doraib'

bhul paunga nahin ek hi pal ki lazzat