mujhko dimagh-e-shewan-o-ah-o-fughan nahin

mujh ko dimāġh-e-shevan-o-āh-o-fuġhāñ nahīñ

ik ātish-e-ḳhamosh huuñ jis meñ dhuāñ nahīñ

kis sādgī se kahte ho ham rāz-dāñ nahīñ

vo kaun sā hai raaz jo tum par ayaañ nahīñ

vo dushman-e-sukūn-e-dil-o-jāñ yahī na ho

ma.asūm sī nigāh ki jis par gumāñ nahīñ

hai aag sī lagī huī rag rag meñ kyā kahūñ

ik chashm-e-intizār hī yaañ ḳhūñ-chakāñ nahīñ

yuuñ dekhtā huuñ barq ko allāh re be-dilī

jaise kahīñ chaman meñ mirā āshiyāñ nahīñ

is chashm-e-nāz kī koī dekhe fusūñ-garī

bār-e-hayāt bhī mujhe ab to garāñ nahīñ

ai mast-e-nāz mashq-e-sitam is se bhī sivā

ai zauq-e-dard haif agar jāvedāñ nahīñ

ai dil sar-e-niyāz ko kyā qaid-e-sañg-o-dar

ka.aba hī kyā burā hai jo vo āstāñ nahīñ

kī fursat-e-hayāt tirī justujū meñ sirf

ai vaa.e gar hunūz-e-vafā kā gumāñ nahīñ

mujh ko dimagh-e-shewan-o-ah-o-fughan nahin

ek aatish-e-KHamosh hun jis mein dhuan nahin

kis sadgi se kahte ho hum raaz-dan nahin

wo kaun sa hai raaz jo tum par ayan nahin

wo dushman-e-sukun-e-dil-o-jaan yahi na ho

masum si nigah ki jis par guman nahin

hai aag si lagi hui rag rag mein kya kahun

ek chashm-e-intizar hi yan KHun-chakan nahin

yun dekhta hun barq ko allah re be-dili

jaise kahin chaman mein mera aashiyan nahin

is chashm-e-naz ki koi dekhe fusun-gari

bar-e-hayat bhi mujhe ab to garan nahin

ai mast-e-naz mashq-e-sitam is se bhi siwa

ai zauq-e-dard haif agar jawedan nahin

ai dil sar-e-niyaz ko kya qaid-e-sang-o-dar

kaba hi kya bura hai jo wo aastan nahin

ki fursat-e-hayat teri justuju mein sirf

ai wae gar hunuz-e-wafa ka guman nahin