mujhko hasil jo wasf-e-dua ho gaya

mujh ko hāsil jo vasf-e-duā ho gayā

maiñ jidhar chal paḌā rāsta ho gayā

niil meñ jab vo utre to kyā ho gayā

zo.am-e-fir.aun TuuTā fanā ho gayā

maut kis kī hai kab rizq hai kis qadar

roz-e-avval hī ye faisla ho gayā

thaam lūñgā maiñ us din inān-e-jahāñ

mehrbāñ mujh pe jis din ḳhudā ho gayā

ek ik karke mohre sabhī paT ga.e

un kī baazī kā yuuñ ḳhātma ho gayā

yād-e-rab aur zikr-e-habīb-e-ḳhudā

roz-o-shab ye mirā mashġhala ho gayā

maiñ jo pahuñchā 'habīb' apne aaqā ke dar

mujh pe lutf-e-shah-e-do-sarā ho gayā

mujh ko hasil jo wasf-e-dua ho gaya

main jidhar chal paDa rasta ho gaya

nil mein jab wo utre to kya ho gaya

zoam-e-firaun TuTa fana ho gaya

maut kis ki hai kab rizq hai kis qadar

roz-e-awwal hi ye faisla ho gaya

tham lunga main us din inan-e-jahan

mehrban mujh pe jis din KHuda ho gaya

ek ek karke mohre sabhi paT gae

un ki bazi ka yun KHatma ho gaya

yaad-e-rab aur zikr-e-habib-e-KHuda

roz-o-shab ye mera mashghala ho gaya

main jo pahuncha 'habib' apne aaqa ke dar

mujh pe lutf-e-shah-e-do-sara ho gaya