mujhko hai aangan mein mere kahkashan ki justuju

mujh ko hai āñgan meñ mere kahkashāñ kī justujū

har qadam par hai mujhe ik gulsitāñ kī justujū

dil ko ehsān-e-rafū manzūr ho mumkin nahīñ

ishtiyāq-e-dard ko hai rāzdāñ kī justujū

ḳhuun kā jo ḳhuuñ huā us kī tasallī ke liye

rāt-din rahtī hai chashm-e-ḳhūñ-fishāñ kī justujū

vaqt ke naqsh-e-qadam ne sab ko gumrāh kar diyā

rahnumā.ī ko ho sang-e-āstāñ kī justujū

din guzar jaate haiñ ashkoñ kī bahāroñ meñ magar

zaḳhm-ḳhurda shauq hai rang-e-ḳhizāñ kī justujū

ḳhaak hai āġhāz merī aur yahī pahchān hai

ab nahīñ anjām ko nām-o-nishāñ kī justujū

dil ko bhī aañch aa ga.ī hai jal gayā hai jab jahāñ

aise aalam meñ bhī hai ik mehrbāñ kī justujū

lamha-e-imkāñ kaheñ yā naz' kī sā'at kaheñ

jis nafas ko hai hayāt-e-jāvidāñ kī justujū

hai 'shafaq' merā taḳhallus yaad rakhiyegā huzūr

hogī yādoñ ko bhī sham.a-e-zau-fishāñ kī justujū

mujh ko hai aangan mein mere kahkashan ki justuju

har qadam par hai mujhe ek gulsitan ki justuju

dil ko ehsan-e-rafu manzur ho mumkin nahin

ishtiyaq-e-dard ko hai raazdan ki justuju

KHun ka jo KHun hua us ki tasalli ke liye

raat-din rahti hai chashm-e-KHun-fishan ki justuju

waqt ke naqsh-e-qadam ne sab ko gumrah kar diya

rahnumai ko ho sang-e-astan ki justuju

din guzar jate hain ashkon ki bahaaron mein magar

zaKHm-KHurda shauq hai rang-e-KHizan ki justuju

KHak hai aaghaz meri aur yahi pahchan hai

ab nahin anjam ko nam-o-nishan ki justuju

dil ko bhi aanch aa gai hai jal gaya hai jab jahan

aise aalam mein bhi hai ek mehrban ki justuju

lamha-e-imkan kahen ya naz' ki sa'at kahen

jis nafas ko hai hayat-e-jawidan ki justuju

hai 'shafaq' mera taKHallus yaad rakhiyega huzur

hogi yaadon ko bhi shama-e-zau-fishan ki justuju