mujhko kahta hai muskurane ko

mujh ko kahtā hai muskurāne ko

jaane kyā ho gayā zamāne ko

mujh ko tūfān kyā Dubo saktā

dil hī chāhā thā Duub jaane ko

apnī hī dāstāñ samajh baiThī

sun ke duniyā mire fasāne ko

bazm meñ terī ham chale aa.e

az-sar-e-nau fareb khāne ko

ham jhukā kar jabīn-e-shauq apnī

ḳhud bulā leñge āstāne ko

ham chhiḌakte rahe lahū apnā

āshiyāñ meñ bahār laane ko

tirī yādoñ ne rah-ravī kī hai

jab bhī chāhā tujhe bhulāne ko

ashk ban kar charāġh aate haiñ

mirī palkoñ pe jagmagāne ko

maiñ sahar ban ke aa gayā huuñ 'sahar'

dahr se tīrgī miTāne ko

mujh ko kahta hai muskurane ko

jaane kya ho gaya zamane ko

mujh ko tufan kya Dubo sakta

dil hi chaha tha Dub jaane ko

apni hi dastan samajh baiThi

sun ke duniya mere fasane ko

bazm mein teri hum chale aae

az-sar-e-nau fareb khane ko

hum jhuka kar jabin-e-shauq apni

KHud bula lenge aastane ko

hum chhiDakte rahe lahu apna

aashiyan mein bahaar lane ko

teri yaadon ne rah-rawi ki hai

jab bhi chaha tujhe bhulane ko

ashk ban kar charagh aate hain

meri palkon pe jagmagane ko

main sahar ban ke aa gaya hun 'sahar'

dahr se tirgi miTane ko