mujhko kisi se koi shikayat nahin rahi

mujh ko kisī se koī shikāyat nahīñ rahī

jab se makān-e-dil meñ vo sūrat nahīñ rahī

kitnā udaas thā vo ye kahte hue mujhe

maiñ ḳhush huuñ ab mujhe tirī 'ādat nahīñ rahī

pal meñ jo rang badle mirā 'ishq vo nahīñ

jānāñ tirī ye baat haqīqat nahīñ rahī

maiñ bhī to ab kisī kī mohabbat nahīñ rahā

vo bhī to ab kisī kī mohabbat nahīñ rahī

māñgā jahāñ se pyaar ke badle meñ pyaar jab

kahne lage ki ab vo rivāyat nahīñ rahī

ye sach hai tū kabhī merā hogā nahīñ magar

ye jhuuT hai ki ab tirī hasrat nahīñ rahī

mujh ko kisi se koi shikayat nahin rahi

jab se makan-e-dil mein wo surat nahin rahi

kitna udas tha wo ye kahte hue mujhe

main KHush hun ab mujhe teri 'adat nahin rahi

pal mein jo rang badle mera 'ishq wo nahin

jaanan teri ye baat haqiqat nahin rahi

main bhi to ab kisi ki mohabbat nahin raha

wo bhi to ab kisi ki mohabbat nahin rahi

manga jahan se pyar ke badle mein pyar jab

kahne lage ki ab wo riwayat nahin rahi

ye sach hai tu kabhi mera hoga nahin magar

ye jhuT hai ki ab teri hasrat nahin rahi