mujhko lagta hai wo wali ki tarah

mujh ko lagtā hai vo valī kī tarah

us kī bāteñ haiñ rahbarī kī tarah

itr meñ Duubī us kī ḳhushbū thī

dil meñ utrā jo chāshnī kī tarah

haath joḌe haiñ kyoñ ḳhudā jaane

hai adā us kī ājizī kī tarah

hai ajab lahja un faqīroñ kā

vo nahīñ lagte aadmī kī tarah

tīrgī meñ bhī vo chamaktā hai

husn us kā hai raushnī kī tarah

us ne begāna jab kahā mujh ko

maiñ chalā aaya ajnabī kī tarah

kyā huā us ko phir ḳhudā jaane

vo mahaktā thā ik kalī kī tarah

ik qalandar ko jāntā huuñ maiñ

hai sulūk us kā sādgī kī tarah

dekhte the vo sab tamāshā mirā

bah rahā thā maiñ jab nadī kī tarah

mujh meñ aisā hai kyā batā 'ahmad'

jo tū paḌhtā hai shā.erī kī tarah

mujh ko lagta hai wo wali ki tarah

us ki baaten hain rahbari ki tarah

itr mein Dubi us ki KHushbu thi

dil mein utra jo chashni ki tarah

hath joDe hain kyon KHuda jaane

hai ada us ki aajizi ki tarah

hai ajab lahja un faqiron ka

wo nahin lagte aadmi ki tarah

tirgi mein bhi wo chamakta hai

husn us ka hai raushni ki tarah

us ne begana jab kaha mujh ko

main chala aaya ajnabi ki tarah

kya hua us ko phir KHuda jaane

wo mahakta tha ek kali ki tarah

ek qalandar ko jaanta hun main

hai suluk us ka sadgi ki tarah

dekhte the wo sab tamasha mera

bah raha tha main jab nadi ki tarah

mujh mein aisa hai kya bata 'ahmad'

jo tu paDhta hai shaeri ki tarah