mujhko lipTa kar samundar ro paDa

mujh ko lipTā kar samundar ro paḌā

sab ne samjhā aaj patthar ro paḌā

jaise baTvāre se vo bhī ḳhush na thā

phuuT kar merā sahodar ro paḌā

ghar pahuñch kar us ne dī vardī utaar

hañs chukā bāhar to andar ro paḌā

dekhne vāloñ ne pahchānā nahīñ

sūñgh kar mujh ko mirā ghar ro paḌā

maiñ use rotā samajh kar khil uThā

vo mujhe hañstā samajh kar ro paḌā

Dūbne vaale ne jaane kyā kahā

ret par baiThā shanāvar ro paḌā

mujh ko lipTa kar samundar ro paDa

sab ne samjha aaj patthar ro paDa

jaise baTware se wo bhi KHush na tha

phuT kar mera sahodar ro paDa

ghar pahunch kar us ne di wardi utar

hans chuka bahar to andar ro paDa

dekhne walon ne pahchana nahin

sungh kar mujh ko mera ghar ro paDa

main use rota samajh kar khil uTha

wo mujhe hansta samajh kar ro paDa

Dubne wale ne jaane kya kaha

ret par baiTha shanawar ro paDa