mujhko malum hai bargah-e-suKHan mein baDa kaun hai

mujh ko mā'lūm hai bārgāh-e-suḳhan meñ baḌā kaun hai

kis ko nīche girā kar kuchal kar usī par khaḌā kaun hai

ye agar maiñ nahīñ kaun paanī meñ hai muztarib is tarah

ye agar tū nahīñ to kināroñ kī sūrat gaḌā kaun hai

ye mirā mas.ala raat din kā nahīñ koī tinkā nahīñ

kashtiyoñ vaalī hairān hai ki bhañvar meñ uḌā kaun hai

donoñ kī zindagī zindagī dostī nibh rahī hai bahut

ek machhlī hai aur ek paanī hai ye āñkḌā kaun hai

koī lazzat bharā koī nudrat bharā is zamīñ se alag

ye pakā phal nahīñ to daraḳhtoñ se āḳhir jhaḌā kaun hai

ek bārish ke baa'd ek do būñdoñ vaale samay kī tarah

jo mire sang ho rang hī rang ho vo dhaḌā kaun hai

be-parat be-sifat jaise bhī haiñ yahāñ aamne sāmne

jo hai oToñ bharā aur kahīñ par hai partoñ paḌā kaun hai

koī sayyāl sonā hai ik jis kā honā batāyā huā

saare ik jaise haiñ vaise ke vaise is kā jaḌā kaun hai

koī sūraj nahīñ jo ufuq chiir kar sāmne aa sake

koī ghāTī nahīñ kaun utrā yahāñ se chaḌhā kaun hai

mujh ko ma'lum hai bargah-e-suKHan mein baDa kaun hai

kis ko niche gira kar kuchal kar usi par khaDa kaun hai

ye agar main nahin kaun pani mein hai muztarib is tarah

ye agar tu nahin to kinaron ki surat gaDa kaun hai

ye mera masala raat din ka nahin koi tinka nahin

kashtiyon wali hairan hai ki bhanwar mein uDa kaun hai

donon ki zindagi zindagi dosti nibh rahi hai bahut

ek machhli hai aur ek pani hai ye aankDa kaun hai

koi lazzat bhara koi nudrat bhara is zamin se alag

ye paka phal nahin to daraKHton se aaKHir jhaDa kaun hai

ek barish ke ba'd ek do bundon wale samay ki tarah

jo mere sang ho rang hi rang ho wo dhaDa kaun hai

be-parat be-sifat jaise bhi hain yahan aamne samne

jo hai oTon bhara aur kahin par hai parton paDa kaun hai

koi sayyal sona hai ek jis ka hona bataya hua

sare ek jaise hain waise ke waise is ka jaDa kaun hai

koi suraj nahin jo ufuq chir kar samne aa sake

koi ghaTi nahin kaun utra yahan se chaDha kaun hai