mujhko manzar ke sile mein wo sada bhejta hai
mujh ko manzar ke sile meñ vo sadā bhejtā hai
ḳhuub vo qarz mirā kar ke adā bhejtā hai
sarparastī bhī vo kartā hai zabardastī se
dard kartā hai atā aur davā bhejtā hai
mere dushman kī hai talvār mirī gardan par
aur tū hai ki mujhe harf-e-duā bhejtā hai
saañp jab jhuuT ke duniyā meñ bahut ho jaa.eñ
dast-e-mūsā meñ ḳhudā sach kā asā bhejtā hai
'āftāb' us ne parakhnā ho kisī ko to agar
vo ġhanī kartā hai aur dar pe gadā bhejtā hai
mujh ko manzar ke sile mein wo sada bhejta hai
KHub wo qarz mera kar ke ada bhejta hai
sarparasti bhi wo karta hai zabardasti se
dard karta hai ata aur dawa bhejta hai
mere dushman ki hai talwar meri gardan par
aur tu hai ki mujhe harf-e-dua bhejta hai
sanp jab jhuT ke duniya mein bahut ho jaen
dast-e-musa mein KHuda sach ka asa bhejta hai
'aftab' us ne parakhna ho kisi ko to agar
wo ghani karta hai aur dar pe gada bhejta hai
- Book : Muntakhab Gazle.n (Pg. 15)
- Author : Nasir Zaidi
- Publication : Zahid Malik (1983)
- Edition : 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
